ЖЫРДА - ДҮЛДІЛ, ӨЛЕҢДЕ - ЖҮЙРІК… (АҚЫН-ӘНШІ ҺӘМ САЗГЕР КЕНЕН ӘЗІРБАЕВТЫҢ

Аңдатпа

Мақалада ақын-айтыскер, әнші-сазгер Кенен Әзірбаевтың шығармашылық қазынасы кең көлемде қарастырылады. Балалық шақ, жастық кезеңінен бастап, атақты айтыскер, әнші-сазгер ретінде жұртқа кеңінен танылған тұстары – жырда дүлділ, өлеңде жүйрік болған сәулелі сәттерімен берік байланыста, сабақтастықта сөз етіледі. Бастапқы ән-өлеңі, даңқты айтыстары, сазды әуендері нақтылы туындыларын талдау-салыстыру бағытында беріліп, тақырыптық ерекшелігі, жанр жүйесі мен көркемдік арналары маңызды бағыт, мәнді қырларымен қатар көрсетіледі (мысалы, «Көкшолақпен тойға барғаным», «Қасқыр қамағанда», «Жайсаң», «Қыздар-ай!», «Алатау», «Қазақстан», «Төрт кезең», «Менің ұстаздарым», «Бейбітшілік – асыл сөз», «Бәрінен де еңбек күшті» т.т.).

Бұдан басқа, айтыс өнеріне де кең орын беріліп, асыл сөз мәні мен маңызы, суырып салмалықтың белгі-ерекшеліктері, әр өнерпаздың көзқарас-ұстанымы, қасиет-қырлары, көркемдік өрісі, ой-сөз жүйесі, машық-мәнері кең орын алады (мысалы, «Кенен мен Шәлипа», «Кенен мен Ләтипа», «Жамбыл мен Кенен», «Кенен мен Әбдіғали», «Кенен мен Шашубай» т.т.). Қысқасы, К. Әзірбаевтың шығармашылық мұрасы, дарын дидары, талант қуаты кең түрде қарастырылып, талдау-салыстырулар арқылы сөз етіледі.