АБАЙ ІЛІМІНДЕГІ АДАМ ТҰҒЫРНАМАСЫ: ОҚЫТУ ТЕОРИЯСЫ МЕН ӘДІСТЕМЕЛІК НЕГІЗДЕРІ

Аңдатпа

Бұл мақалада Абайдың биік танымдық ой-өрнектерін, терең гуманистік идеясын, шығармашылығындағы тұлға болмысын, «толық адам» туралы танымдарын таныту мәселесі сөз болады және ақындығынан бөлек философ, психолог, адам жанын зерттеуші ретінде сипатталады. Абайдың мол мұрасы қазақ ұлтының жаңа сапасын қалыптастыруға қызмет ететін бірден-бір ілім екенін айтады. Зерттеу барысында «Абай» ҒЗИ басып шығарған «Абайтану. Көптомдық басылым» еңбеңгі басшылыққа алынған. Абайтанушы ғалымдар зерттеулеріндегі ұлы ақынның шығарма тіліне де қатысты тың мәліметтер келтірілген. Жаңа заман коуч-мотиваторлары айтып жүрген уәждемелер Абайдан бастау алатындығы да мысалдармен айқындалады. Осы тақырыпта авторлық бағдарлама жасап, колледж студенттеріне факультатив сабақ ретінде ұсынган.  Сонымен қатар, мақалада Абай шығармашалығындағы ТҰЛҒА тақырыбын оқыту мәселесіне студенттердің көзқарасын зерттеу нәтижелері ұсынылған.